Plantun de Prouvènço

Pèr coumpara dos planto d'encò nostre

Lemna gibba & Lilium martagon

Lentiho-d'aigo(-gibouso)

Lemna gibba

Araceae Lemnaceae

Àutri noum : Lentihoun, Nadoun, Pampaieto, Tirounado.

Nom en français : Lentille-d'eau bossue.

Descripcioun :
La lentiho-d'aigo-gibouso trachis sus lis aigo pulèu morto, richo en matèri ourganico o un pau salado. Èi la pu grosso lentiho-d'aigo dóu gènre Lemna (adounc aleva Spirodela polyrhiza, i'a li dos sus la fotò à man drecho). Se recounèis eisadamen à sa gibo caleiado caupènt d'èr.

Usanço :
Li lentiho-d'aigo se manjon à la sartan coume un liume. En Poulougno, fin qu'à la debuto dóu siècle XXen, èron boulido e pièi cuecho emé de burre o de crèmo emé d'iòu.

Port : Erbo
Taio : 3 à 6 mm
Fueio : basalo
Tipe bioulougico : Idroufite
Cicle bioulougico : Planto renadivo

Gènre : Lemna
Famiho : Araceae
Famiho classico : Lemnaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Jun à setèmbre

Liò : Aigo - Ribiero
Estànci : Mesoumediterran
Couroulougi : Subrecousmoupoulito
Ref. sc. : Lemna gibba L., 1753

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.